أذكـر الله في البـدايـة قـبـل أبـدا بـالكـلام = الـولـي جـلّ جـلالـه مـالـنـا غـيـره ولـي
بعـد ذكـره للرجال أهل الوفاء أبدا السلام = ياسلام الله عـلـيكم من هجـوس العبـدلـي
يالرجال اللي لكم قدرٍ في صدري وأحترام = زانـت الفرصه وطابت لي وجيت وجاتلي
المثايـل تزدحم في داخل الصدرأزدحـام = مـرحـبا بـكِ شـرفي يـالـمثـايـل واقـبـلـي
الـمعـانـي جـات لي وارده مـثـل الحـيـام = مانقـص هـداج تـيـما كثـرموـحـات الدلي
ياهبوب الشعرهبي لي على أحسن مايرام = من هواجيس أبوفارس أرسلي وأسترسلي
المواقـف ماوقفها في العســر رخوالعـظام = كود شاعـرليا بـدا يعـرف يحـل ويفـتـلي
الشعـرحـبـكه وسبـكـه وفـتـلـه بأحـتـكـام = والصدر من كثر هيضه يغيض ويمتلي
يابكار الشعـرسيـري والهـمام ثم الهمام = النـشامـا تستـمع لي يـا لمخـايـل خـيـلي
الشعـرهـوالادب ولاهـو بعـيـب ولاحـرام = وشاعـرالحكمه ما ينـزل مسـتواه المعتلي
شاعرٍ قال النصايح مالحق شعره ملام = مـايـلام إلا غـشيمٍ في الشعـر متطـفـّلي
مانظمت ابيات شعري في الموده والغرام = الـغـزل غـيـري بيـلـقى شاعـرٍمتـغـزلي
من طرق باب الهـوى هـام في واد الهـيام = له جمهور وله شبيه وله مثيل وله حلي
يالرجال أهل المعـرفه يـارفيعـيـن المقـام = يوم ابرّق في الـزمان اللي تغـيـر شفـتـلي
عالم ٍ قـامت عـلى الدنـيـا هجوم ٍ وقـتحام = مـاحسـبـت للأخـره والمـوت فـيهـا يـقـتـلي
الجهل خيّم على عقول البشرمثل الظلام = والظـلام لـيـا طـلع عـلـيـه نـورٍ يـنجـلـي
البشريتلي القدرمثل الجمل يتـلي الخطام = وفـي النهايـه الـقـدر جـاب البـشـرمكـبّلي
يالله المعبود أنا طالبـك في حسن الختام = أسألك وأنـت الـذي تسمـع كلام السـائـلي
بعـد هـاذا بانصح للي مايعـرف الاهـتمام = يالبيب القلب عصرك فـات وأنـته غـافـلي
قـوم يـامال الغـنـيمه وأغـتـنـم مـع ألامام = لايـفـوتك فـرض واحد والعذر متـكاسلي
الصلاة افـزع صلاتك صلهـا وأحذرتـنام = فك نفسك من الجحيم اللي لهبها يصتلي
أنتبه وحذر تهاون في صلاتك والصيام = الـنـصيحـه قـلتـها لاتقـول لي ماقـلـت لـي
ثم زكاة الفطر ركن واجبه في كل عام = زك نفسك وأسرتك والمال والمخرج ملي
وخامس الاركان حجه حجها ولبس حرام = حجةٍ في العـمـرمـره بـالمنـاسـك تـكمـلي
اذكر ليـا شـيعـوا جـنـازتـك في ثـوب خام = وأحفروا لك ودفنوك بلحد قبرك في الخلي
اما تدخل جنة الفردوس مع ناس ٍ كـرام = مشربك من سلسبـيـل ولك مكان ومنزلي
والا ترمى في جحيم ٍ من كفـرلهـا طعام = ثـم تقـعـد من ذنـوبـك في عـذابـك مبتلي
يالله اني داخلٍ عـليـك يامنـشئ الغـمـام = فـي نهارٍ فـيـه كـل دمـاغ مخلوق يـغـلي